A’ Zeza

La Zeza era una specie di recital (le parti venivano cantate) che si usava rappresentare nel periodo di carnevale. A differenza dei dodici mesi che venivano recitati in piazza, la Zeza veniva recitata presso case private; la padrona di casa aveva cura di preparare taralli, vino e salsiccia perché dopo la recita, i commedianti mangiavano e ballavano.

Personaggi: Prete, Padre, Madre, Figlia e Pulcinella.
Prete:Santa notte signori miei, i ve rong nu salut.
Padre: Verite stu sfelienz, aronn’ èsciut o aronn’ è trasute.
Padre: I song don Nicola che ci veng da Catanzaro
so stato molto tempo a studià.
So stato per altri luoghi e ora mi trovo qua
pe vverè si mamma c’è sta Zeza cca, si stà Zeza ccà.
Padre: ( uscendo) Oè Zeza j mo’ esco,
statt’attenta a sta figliola!
Tu che si mamma falle na bona scola.
Mantienela nzerrata, nu  a fa chiù pratticà
che chelle che nun sape se pò mparà
Madre: Si pazz si tu crir ca l’aggia tenè nzerrata!
Sta povera figliola sventurata
la voglio fa scialà cu cient nnammurate
cu princip, baruni e cu chill’abate.
Padre: Sentite signori miei a me che me succere
pe mmezze e sta brutta ‘mpesa re mugliera
Sera iette a casa a cannela stutata
steva chigliu mpis e zi ron Nicola sott’o liett steva
Madre: La paglia che te vatte rient a stu bruttu nasu
chigli era lu padrone re la casa
venutu pe li denari della terza pesata,
si nun era pe Vicenzella n’carcerato ieve.
Padre: E sarà comme tu dici che j me n’aggià j
nun fa che pe la finestra lu fai trasì
E pensa che so onorato,
nun fa che torno in camera incurnato.
Madre: Sine maritu miu j sempe te lu stoncu a dire
sta figliola l’ho cresciuta, è na figlia onorata
e cchiù e nu tesore tene astipate.
Figlia: Mamma, mamma che fai cca fora?
Sola sola aggià lavà!
Magar trasitenne a cucinà:
si chill vene tata, nun trova cucinato
certu fa revutà stu vicinatu.
Madre: Sine figlia mia, rici buonu
trasitenne tu puru n’t fa truvà cca ffora,
si chill vene patete te rompe u culu,
si vene e te carosa
o pure te la fa na bona ntosa.
Padre: Amme m’è state ritte pe tuttu stu cuntuorn
che cca c’stà n’abbate notte e juorn.
E sempre che te ce coglie, na bona mazziata,
oi Ze’ te la tengo preparata.
Madre: St’abate che tu rice nun l’aggio mai viste
marit, stamme a nu munnu troppu triste.
So le gent e chesta piazza che ci vonnu arruvinà
perciò sta nuvella a te te venen a purtà.
Figlia: Mamma, mamma n’sacce a cchi veco
fosse chigliu don Nicola
me pare che mo ci esce dalla scola.
Si chigliu me vulesse, j me lu pigliarria
nnanz’ a stu mpis e tato nun ce starria.
Prete: Ma i pe sta quatrana me ce vecu nzallanut
pi essa lu cerviellu aggiu perdutu.
Nun vacu cchiù allo studio e nemmeno in Vicaria
penzenne sempe a te bellezza mia.
Madre: Buongiorn a signuria! Criditeme zi abbate
Sta povera figliola, pensanne sempe a vuie
nun trova n’ora e riciett’ e lacrime
s’a fattu na funtane mpiett.
Prete: Mannaggia tutti i monti,
comme splendene sti bellezze
comm’a a stu marrammarr ce ne accapizzi
Sì belle e graziosa,
pe tte a sta faccia bella
j me sento e sbatte n’terra.
Figlia: Oi zi ron Nicò che avite,
oi zi ron Nicò ch’è stato?
Veniteme a truva stu vatignano
Certo n’auta bella u core va feruto
e a mme a stu pizzitiegliu, m’aite mettutu.
Prete: A mme rice sti parole,
j pe tte tengu u core spezzato
me sento tutto il petto tritolato.
Figlia: Pe vuie zi ron Nicola ci ho lasciato nu marchese
ci avevamo spusà n’ta stu mese.
Je nun penz cchiù a nisciun, sulu vui m’avita guardà
sinnò sola sola me vacu a scannà.
Padre: Nun serve ca te scanne, te facc’jo stu serviziu!
Madre: Ferm maritu miu, jamm nprecipizie.
Padre: O Zè je mo te rong nu schiaff n’faccia!
Madre: Che mai o, fa, vavusu, lu piellu che nt’afferra.
Padre: Oi Zè iustu cca miezu vuoi fa sta uerra?
Figlia: Oi tà te si ncucciatu che nun m vuoi fa mmarità
e je mo te facciu verè che te saccio fà.
Padre: Che tu vuò fa a purcella? M’o fa essere accis?
Figlia: Oi tà che cantere n’capa che t’è misu!
Padre: (rivolto al prete)
E tu me ce colpa a chistu vicariu scassatu
è meglio che a stu munnu n’ce fossi natu.
N’ata vota che ce tuorne pe ttutto stu cuntuorn
n’te facciu campà mancu n’atu juorn.
Prete: (correndo dietro al padre)
Mannaggia le vichi tuoi, a me ste mazzate?
Mo te l’aggia mannà na cafucata.
Vacu a lu catuoio a piglià li cacafuoco.
Padre: E mancu te ne si ghiute, paccu siccu frustrate
è meglio che a stu munnu n’ci fossi mai nato.
N’ata vota che ce tuorne e nun tuorne cu crianza
stu spidu tu ficcu rient’ a panza.
Prete: (col fucile)
Arrete, arrete uastasole,
mo che t’aggia a la tagliola
t’aggia fa vedè che è don Nicola
te l’aggia fa passà a te tanti verrizzi
le carne toie n’aggia fa tutte sauciccie.
Figlia: Onnicò si me vuò bbene, nun m’accirite a tata
nun me facite tenè a mente sta jurnata.
Nennille de stu core, maritiellu bellu miu
po te facciu passà tutti i vulii.
Prete: E je pe tte lu lasciu i, e pe tte lo lascio andà
ma iss afforza a te me t’adda rà.
Pezzo di uastasole e dimme si si cuntiente
nun fa lu surde e mute e dice ca nun ce siente.
Padre: Si, si, ne so cuntiente nun parle pe ciente anni
nun dico nisciuna parola.
Me finge cicale e mut,
n’casa ce tsong comme a nu papute.
E dopo di tanti guai, mo che simme a li cuntienti
Oi Zè ammite i tuoi parienti.
Madre: E datevi la mano, puzzate murì n’cocchie
figliame fila e don Nicola sconocchia