Nostalgia dei mestieri di ieri

Tutto stu progresso ha criato veramente nu scunquasso
Quanta cose nun se fanno cchiù!…
Erano tant bell pure i mestieri e na vota
ed era grand artist chi i faceva.
‘U scarpar… ce ne stevene paricchi
ma ‘Ntonio era veramente assai bravo.
Le scarpe soie, tutte cusute a mano,
nun se cunsumavano mai.
C’era il maniscalco… ‘u ferracavallo…
‘u padre e stu mestiere era Pascalino;
teneva, justo mmieze ai Petrigli,
na puteca sporca e affummecata
addò faceva zuoccoli a muli, jummente e cavalli.
‘Ncoppa Santu Nicola ce steve, po’ nu vicchiarieglie
O chiamavano ” zi Stefan ‘u ratar”
era piccul piccul e steve sulo. A cape u liette teneva tante Maronne
Era proprio nu sant’ommo
e quanno nun pregava
faceva, e vinci, tanta rate, canistri e panari.
A  capa ‘a chiazza faticava Gennarino
Che faceva u stagnarieglio
n’ha fatte ‘e cannaluni p’ Alvignano.
Mmiez ‘a chiazza già ce steveno gli Esposito
tutti specialisti nei trasporti:
carrozze di ogni tipo essi tenevano
da ‘u sciaraballo a ‘u giardinetto,
da ‘u ddoirote a le carrozze e muort.
Abbascia a rava ce se truvavene i carresi:
che impressione chelli rrote ‘e fierro n’coppa a lu fuoco!
‘E rammar ce ne steve na famiglia sana
se sentevene a tutte ll’ore e mastrechià;
‘a rama allora serveva a cucinà…
C’era gente che faceva le ciummente;
a mmano le tagliava e cu fatica
e a vvolte ce accapezzava ‘a vita!
Ce steve po chi, cu ‘a faccia sempe ténta
e cu le mmane nere,
pe mestiere se firava e aizà,
ogni juorno, tanti cacchi ‘e crauni.
Se facevano po’ tanti mestieri femminili:
a capera… a cuoca, a ricamatrice.
Caccheruna cchiù ‘ngignosa se ‘nciarmava
a ffà ate cose cu la lana,
cu u cuttone, cu lu spago e ppure cu li preglie.
E pe quatt’ soldi faceva:
borse, scarpe,  cinte culurate e tante maglie
Quand’ erano belle chelle che filavano a lana!
Cu a capa vascia, u sguard serio (parevano che steveno a pregà)
Ce steve infine nu mestiere  che se fa ancora
ma mò è dè nata manera: u campusantaro…
Chi se po scurdà e chigliu bravo Martumeo!
Steve e casa abbascia a ‘u campusanto
e cu tutti i muorti formava na famiglia;
affezionato a tutti i trapassati
ci conviveva che era nà bellezza
tant che steve sempe attuorno a tutti i fuoss.
A chigli tiemp nun esistevano orari,
a tutte ll’ore putivi j llà bbascio
nò comme a mò che ‘e rispett’ à a tabella,
e si te vene, ‘nta nu mument trist,
e te ne j a chiagne a u campusant,
chissà si u può fa,
po esse che a chell’ora, là sta chiuso.
Ringraziamm a Dio che cia data a memoria…
Si oggi u pane è tuost… fermate nu poco pienze a aiere.
Comme se po’, sinnò tirà annanz senza ricord e senza speranza…